Unha revisión contemporánea do mito clásico de Eurípides. Unha brillante versión premiada como mellor texto do 2015 nos UK Theatre Awards for Best New Play. Estreada xa en varios países cun éxito rotundo. Agora chega por primeira vez a Galicia e en galego este emocionante e necesario monólogo que fala das consecuencias dos recortes sociais a través da vida da súa protagonista de clase baixa.
É un monólogo para público adulto e adolescente que se adapta a calquera espazo. Un proxecto seleccionado pola AGADIC, polo programa Cultura no Camiño 2023, pola Rede Cultural da Deputación da Coruña, na REAOU da Deputación de Ourense e no catálogo Pontegal da Deputación de Pontevedra.
Máis información
O cushing non é un tipo de sushi novo que poidas pedir nun
restaurante...
é a enfermidade denominada rara que padece a
nosa protagonista. Só unha persoa entre un millón está
diagnosticada de dito mal, e a ela tocoulle a lotaría!!!
Nesta comedia barbitúrica cóntanos a súa experiencia da
maneira máis delirante.
Unha soa actriz no escenario transformarase a través da súa
propia fábula. Todo sucede nun mundo de fantasía onde todo ten
cabida: persoas que son plantas, un conto de nadal, doutores
esperpénticos ou ata un concurso multitudinario... son algúns
exemplos desta experiencia vital que rematará cun final
sorprendente pero feliz.
Máis información
Alba Caneda, unha das revelacións saída das últimas promocións das ESAD de Galicia, onde obtivo a calificación de Matrícula de Honra e o unánime recoñecemento de alumnado e profesorado.
Unha das grandes promesas do teatro galego, seleccionada nada máis rematar os seus estudos para dirixir no Centro Dramático Galego "Shakespeare en Roma" no 2023.
O tándem formado por Carmen Casal e María Torres, dúas novas escenógrafas saídas tamén da ESAD de Galicia onde deseñaron o espazo do Tartufo producido polos teatros nacionais de Galicia, Portugal e Francia.
Un novo e polifacético compositor que combina a súa faceta musical coa súa carreira tamén como actor.
Se no mito clásico Iphixenia era sacrificada polo seu pai Agamenón para contentar ós deuses e proseguir coa guerra de Troia, nesta traxedia dos nosos días é a propia protagonista quen decide sacrificarse e converter o seu sufrimento en xenerosidade cara a sociedade que a marxina. Unha personalidade magnética, directa, que nos amosa sen filtros e con humor a humanidade que se esconde tralas colas na atención primaria, recorte de camas hospitalarias, ausencia de médicos..
A Compañía Humana é unha produtora de teatro de recente creación promovida por Antela e Fran Peleteiro, profesionais da escena con máis de vinte anos de experiencia en proxectos escénicos e audiovisuais.
O teatro é a arte do humano. O encontro entre persoas que se acompañan nun espazo e tempo común para imaxinarse como sociedade.
As claves da compañía son os espectáculos de corte social dirixidos a público adulto e adolescente, con textos conectados coa nosa realidade e cos mellores talentos da interpretación.
Entreter pero tamén reflexionar.
Estamos buscando unha actriz galega capaz de interpretar un monólogo dramático naturalista e encher o escenario durante 75 minutos. Ensaios en novembro en Vigo.
Candidaturas ata o 15 de outubro
Participar no casting
